резигниран | прид.
Потиштен, безволен, рамнодушен, помирен со судбина. Резигниран човек. Резигнирана констатација. Резигнирана постапка. Резигнирана личност.
резидба | ж.
Процес и време на режење во овоштарството. Систем на резидба. Остра резидба на овошката.
резидент | м.
Дипломатски претставник по ранг понизок од амбасадор.
резиденција | ж.
Место на постојано живеење на шефот на државата или на владата или на лица што заземаат високи општествени положби. Резиденцијата на претседателот.
резиденцијален | прид.
Што е наменет за живеење или престој на лица што заземаат високи општествени положби или на гости од таков ранг. Резиденцијални објекти.
резил | м.
Срамота, срам. Голем резил.
резилак | м.
Големи резилаци.
резили | несв.
Прави некого резил, срами некого со своите постапки. Тој го резили семејството. Таа ги резилеше децата пред сите.
резиме | ср.
Кратка, концизна содржина на некој текст (статија, реферат и сл.). Резиме на половина страница на англиски јазик.
резимира | св. и несв.
Направи, прави краток опис; даде, дава резиме; претстави, претставува нешто преку краток преглед. Професорот резимираше набрзина. Тој кратко резимира. Таа го резимира својот настап во неколку реченици.
