реизбор | м.

реим | м.

Хипотека, залог, гаранција. Сарајот го дал под реим. Целиот имот го дал под реим.

реинкарнација | ж.

Верување во некои религии дека постои преродување, повторно раѓање, пренесување на човечката душа по смртта во друго тело.

реинкарнира се | св. и несв.

Доживее, доживува реинкарнација. Неговата душа се реинкарнира и завлегува во повисок стадиум на развој.

реинтеграција | ж.

Враќање во првобитна, поранешна состојба; поврат на одземени права, звања или добра; повторно спојување на нешто што било одделено. Реинтеграција на државјанство и на имот.

реинтерпретација | ж.

Повторна интерпретација. Реинтерпретација на текст. Реинтерпретација на песна. Реинтерпретација на театарска претстава.

реис | м.

(арх.) Заповедник, капетан на брод.

реис-ул-улема | м.

Титула со која се означува врховниот старешина (поглавар) на исламската верска заедница.

Рејкјавик | м.

Главен град на Исланд.

рејтинг | м.

Вредност врз основа на постигнат успех; системски поставена позиција како резултат на јавно мислење преку оценување на личност, организација, здружение, дејност и сл. Рејтинзите на партиите се менуваат постојано. Личност со многу висок рејтинг. Добар рејтинг.