ремилитаризација | ж.

Повторна милитаризација, повторно вооружување на војска, територија и сл. којашто била разоружана претходно; повторно подготвување и оспособување за воени дејства.

ремилитаризира | св. и несв.

Повторно вооружи, вооружува; подготви, подготвува за војна, воведувајќи воен режим.

реминисцентен | прид.

Нејасен, заматен, замаглен, без добра претстава за нешто во минатото, само одблесок од минатото. Реминисцентна состојба. Реминисцентна епизода од животот.

реминисценција | ж.

Нејасност, замагленост, сеќавање само во делови. Филозофски реминисценции. Потресна реминисценција.

ремник | м.

ремонт | м.

Поправка, подновување, отстранување дефект на возило, објект, опрема и сл. Генерален ремонт. Ремонт на главната печка.

ремонтен | прид.

Што се однесува на ремонт. Ремонтен план. Ремонтни работници. Ремонтна работа.

ремонтира | св. и несв.

Изврши, врши ремонт; одново монтира. Тој го ремонтира возилото со оригинални делови.

ремонтиран | прид.

Што е обновен, поправен. Ремонтиран мост. Ремонтирано возило.

реморкер | м.

Брод за влечење други бродови, што ги насочува големите бродови да влезат во пристаништето.