репрезентира | св. и несв.
Претстави, претставува; настапи, настапува во својство на претставник, на репрезентација. Тие ја репрезентираат фирмата во странство. Девојките ја репрезентираа новата пролетна колекција. Тие го репрезентираат македонскиот спорт. Тој репрезентира добар тренинг.
репресалии | и.
Притисоци, одговор на една држава на сила со сила; присилни мерки. Жестоки репресалии. Бран од репресалии.
репресивен | прид.
Што се однесува на репресија, што се јавува преку репресалии. Репресивна политика. Репресивни постапки.
репресира | св. и несв.
Изврши, врши притисок, примени, применува казнени мерки, спроведе, спроведува репресија и репресалии врз некого. Властите ги репресираа бунтовниците.
репресија | ж.
Казнена мерка, средство за присила, за притисок. Репресија врз оние што учествуваа во протестите. Органи на репресија.
реприза | ж.
а) Прва претстава по праизведбата. Репризата се одвиваше наредната вечер. Реприза на приредбата. б) Секоја изведба по првата. Репризите се во сабота. Репризата на филмот ќе биде утре на програма.
репризен | прид.
Што се однесува на реприза. Репризен термин. Репризни серии.
репризира | св. и несв.
Изврши, врши, даде, дава реприза. Театарот ќе ја репризира претставата во недела.
репринт | м.
Повторно печатење, препечатување, репродукција на книга, печатено дело без промени во однос на првото издание. Репринт на Зборникот на Миладиновци.
репрограмира | св. и несв.
Преуреди, преуредува програма, изврши, врши повторно програмирање целосно или делумно. Тој го репрограмира настанот.
