респектиран | прид.
Респектиран научник. Респектирана личност.
респиратор | м.
Апарат, направа што се става на уста и на нос за заштита на дишните органи или за овозможување на полесно дишење. Болниот е ставен под респиратор.
респираторен | прид.
(анат.) Што служи за респирација, дишни патишта. Респираторни патишта. Респираторни органи кај човекот.
респирација | ж.
Дишење, внесување воздух, вдишување и издишување.
респондент | м.
Еден вид службеник, известувач, прегледувач, информатор.
респондер | м.
Електронско помагало што овозможува да се провери знаењето на повеќе ученици во исто време.
респондира | св. и несв.
Одговара, соодветствува со нешто или со некого или едно со друго. Оваа боја на ѕидот респондира со мебелот. Нејзините сфаќања респондираат со модерниот начин на живот.
реставратор | м.
Специјалист за реставрација, за обновување стари уметнички дела и споменици на културата. Реставратор на икони.
реставраторски | прид.
Што се однесува на реставратор и на реставрација. Реставраторски центар. Реставраторска постапка. Реставраторски план. Реставраторски работи.
реставрација | ж.
Обновување, враќање на стари, уметнички предмети во поранешната состојба. Реставрација на иконостасот во црквата.
