реторта | ж.
Стаклен сад што се употребува во хемиските опити, со крушковидна форма и со долго извиено грло. Стерилизирана реторта. Празна реторта.
ретро- | претс.
Како прв дел од сложени зборови со значење: назад, наназад, повторно, повратно оживување на нешто од минатото, во определени области, од информациите што ги дава вториот дел од сложенката (ретроспектива, ретроактивен итн.).
ретроактивен | прид.
Што има повратна сила, што дејствува наназад. Ретроактивно дејство. Ретроактивна казна. Ретроактивна исплата.
ретроакција | ж.
Повратно дејство, дејствување наназад.
ретровегетација | ж.
Повторна вегетација, повторно оживување на делови на некои растенија. Неправилното полевање предизвикува ретровегетација што се одразува на луковицата.
ретровизор | м.
Огледало на моторно возило со кое возачот гледа назад, на патот зад возилото.
ретроград | м.
Реакционер, противник на напредокот, на постојните случувања.
ретроградација | ж.
Намалување, навраќање на претходна состојба. Ретроградација на фосфорот во почвата. Ретроградација на штетниците во почвата.
ретрограден | прид.
Што е заостанат, назаден, што назадува и постапно опаѓа, слабее. Ретроградна практика. Ретроградна идеологија. Ретроградно дело.
ретроспектива | ж.
Потсетување на минатото, преглед на минатото, навраќање кон нешто што минало. Ретроспектива на настаните. Историска ретроспектива.
