роди | св.
а) За жена ‒ донесе на свет дете. Таа роди син. Таа роди близнаци. б) За некои животни (ретко, кога нема соодветен збор) донесе на свет младо. Лавицата родила две лавчиња.
родилен | прид.
Што се однесува на раѓање. Родилни болки. Родилни маки. Родилна треска. Родилен дом.
родилиште | ср.
родилка | ж.
Жена што родила скоро или која тукушто раѓа. Младата родилка се чувствува добро. На родилките им ги донесоа бебиња да ги дојат.
родина | ж.
Татковина, земја каде што се родил некој. Мојата родина да биде напредна земја.
родител | м.
а) Татко. Тој е добар родител. б) Мајка. Таа е мојот биолошки родител.
родителски | прид.
Што се однесува на родител, што им припаѓа на родителите. Родителски состанок. Родителска нежност. Родителски грижи. Родителски дом. Родителска куќа.
родителство | ср.
Чувство на родителот спрема детето. Родителството им прилегаше на двајцата.
родиум | м.
Метал со сребреникаво‒бела боја од групата на платините.
родлив | прид.
Што дава род; плодороден. Родливо дрво.