рогуши се | несв.
Се лути, се прави силен. За ништо, ете го кај се рогуши.
род | м.
(истор.) Општествена група во првобитното општество, составена од роднини кои потекнуваат од ист, заеднички предок. Родот е основна клетка во првобитното општество.
рода | ж.
Род, роднини, луѓе блиски по род; Тие се моја рода. Ние сме блиска рода.
Род Ајленд | м.
Сојузна држава во САД.
родан | м.
Направа за предење. Цел ден над роданот предеше.
Родезија | ж.
Поранешно име на Зимбабве, Африка.
роден 1 | прид.
Глаголска придавка од роди (се). Тој е роден на туѓина. Дете родено на нива.
роден 2 | прид.
Што дава многу род; плодороден. Родни ниви. Родно поле. Родна година. Родно дрво.
роденден | м.
Ден кога е некој роден. На првиот роденден. Подарок за роденденот. Среќен роденден!
родео | ср.
Натпреварување во каубојски вештини.