рокада | ж.
Во шахот ‒ истовремено преместување на кралот и топот на определени полиња по утврдени правила. Шахистот направи рокада. Мала рокада. Голема рокада.
рокаден | прид.
Што се однесува на рокада. Рокаден напад.
рокер | м.
Тој што свири или танцува рок, рокенрол.
рокерски | прид.
Што се однесува на рок‒музика и на рокери.
рокира | св. и несв.
Во шахот ‒ направи, прави рокада. Шахистот рокира и тргнува во напад.
роковен | прид.
Што се однесува на рок1.
роковник | м.
Бележник, тетратка со датуми што служи како потсетник за работи поврзани со рок.
рококо | ср.
Уметнички стил во 18 век што се одликува со раскошни облици и орнаменти. Во рококо стил. Порцелански рококо фигурини.
рокче | ср.
Дем. од рог.
ролат | м.
Вид слатки од свиткано печено тесто со фил. Ролат со мармалад.