ролери | и.
Специјални чевли со тркалца. Децата возеа ролери.
ролетна | ж.
Заштитна завеса од низа споени дрвени, пластични или метални елементи, од платно и др. што може да се намотува наменета за прозорци, за врати, за излози и сл. Дрвени ролетни. Ролетните беа спуштени на прозорците. Сонцето пробиваше низ спуштените ролетни.
ролја | ж.
Лик што се остварува во сценско дело (театарско, филмско, оперско, балетско); улога. Тој игра епизодни ролји. Таа ја игра главната ролја во новиот телевизиски серијал.
ролка | ж.
Маица, блуза со рол‒крагна. Под сакото носеше црвена ролка.
рол-крагна | ж.
Висока и мека јака што досега високо на вратот, пресвиткана еднаш или повеќе пати.
ролна | ж.
Свиток, завиена хартија, фолија и сл., во форма на труба. Ролна хартија.
ролшуа | ж.
Вид обувки со тркалца за возење по рамни, мазни површини.
ром | прид.
ром | м.
Обично во изразот: ром‒ракија;
Ром | м.
Припадник на етничка група од азиско потекло, населена низ Европа и светот.
