рутиниран | прид.
Што е извежбан, опитен, што има рутина. Од говорницата се чу рутинираниот глас на спикерот.
рутински | прид.
Што се прави по рутина, по вообичаен ред и постапки. Рутинска контрола. Рутинска воена вежба.
рутиште | ср.
Облека, руво. Бели бисери на зелени рутишта ‒ загатка со значење роса. Беше во градски рутишта.
руфет | м.
Облека; мода во облекувањето. Го поднови руфетот.
руча | св. и несв.
Изеде, јаде ручек. Аргатите седнаа да ручаат. Гостите ручаа пастрмка на скара. Секој петок тој руча посен грав.
ручек | м.
Оброк што се јаде напладне. Готви ручек секој ден. Ги викнаа сватовите на ручек. Свечен ручек.
ручка | несв.
Во детскиот говор ‒ јаде. Сега детето ќе ручка супа.
ручок | м.
рушвет | м.
Бакшиш како поткуп, мито за завршена работа или што треба да се заврши. Не даде рушвет и молбата му беше одбиена.
рушветчилак | м.
Давање и примање поткуп.
