разжестен | прид.

а) Што е разлутен, гневен. Разжестен народ. б) Што изразува лутина, гнев. Разжестен поглед.

разжести (се) | св.

Се налути, се разлути, се разгневи. Сепак, по тие зборови, тој не се навреди, не се разжести. ‒ Слушај ваму, ‒ се разжести тој, ‒ кога не разбираш, седи си мадро и слушај.

разжешти (се) | св.

разжнее се | св.

Почне да жнее, жнее засилено, забрзано. Како сте се разжнеале, до пладне ќе бидете готови.

разжние се | св.

раззаби | св.

Широко отвори, рашири уста. Песот ја раззаби устата и фати да 'ржи.

раззборува се | св.

Почне многу да зборува. Учениците се раззборуваа на часот и никој никого не слушаше.

раззеленее (се) | св.

раззелени | св.

Стане зелен, прекрие со зеленило, позелени. Дрвјата раззеленија.

разземе | св.

Изнакупи набрзина, земе сè до последно, разграба, раздига. Производите што беа на попуст веднаш ги разземаа.