раззелени | св.

Стане зелен, прекрие со зеленило, позелени. Дрвјата раззеленија.

разземе | св.

Изнакупи набрзина, земе сè до последно, разграба, раздига. Производите што беа на попуст веднаш ги разземаа.

раззине | св.

Широко отвори, рашири уста. Раззини ја устата да ти го видам грлото.

раззори (се) | св.

разѕвони (се) | св.

Почне да ѕвони; почне силно, долго да ѕвони. Телефонот се разѕвони уште рано наутро. Што си се разѕвонил толку, ќе го расипеш ѕвончето.

разѕида | св.

Разруши, растури нешто што е изѕидано. Кадата треба да се разѕида за да може да се отстрани.

разигра | св.

Натера некого или нешто да игра, направи некој да почне да игра. Убавата музика ги разигра сите присутни.

разигран | прид.

Глаголска придавка од разигра.

разискри | св.

Почне да прави, да фрла искри, разгори. Кога го расчепка, огнот разискри.

разјаде | св.

За црви, молци, термити и сл. ‒ изгризе, издупчи. Термитите го разјадоа дрвениот под на куќата. Летото молци му го разјадоа палтото.