радикалски | прид.
радио- 1 | претс.
Како прв дел од сложенки означува дека вториот дел од зборот се однесува на радио: радиоапарат, радиоврска, радиодрама, радиопредавател.
радио- 2 | претс.
Како прв дел од сложенки означува дека вториот дел од зборот се однесува на радиум: радиоактивност, радиографија, радиоскопија.
радио | ср.
Безжично пренесување на сигнали и звуци на голема оддалеченост со помош на електромагнетни бранови.
радиоактивен | прид.
Што се однесува на радиоактивност; што пројавува радиоактивност. Радиоактивни материи. Радиоактивни зраци.
радиоактивност | ж.
Својство на некои хемиски елементи при распаѓањето да испуштаат невидливи честички и зраци со силна енергија.
радиоаматер | м.
Тој што се занимава со радиотехника од хоби.
радиоапарат | м.
Апарат за примање радиобранови; радио, радиоприемник.
радиоастрономија | ж.
Гранка од астрономијата којашто се занимава со изучување на радиобрановото зрачење на космичките тела и со одразувањето на радиобрановите од предметите во меѓупланетарниот простор и во високата атмосфера.
радиобиологија | ж.
Гранка од биологијата којашто го проучува влијанието на радијацијата врз живите организми.
