ракун | м.

Северноамериканско диво четириножно животно, цицач, со скапоцено крзно и карактеристични црни шарки околу очите; Procyon lotor.

ракурс | м.

Во уметноста ‒ агол на снимање, положба на објективот на камерата во која е сосредоточен некој детаљ; агол на набљудување, гледна точка, гледиште. Позиција на двоен и обратен ракурс.

ракче | ср.

Салата со ракчиња и со други морски плодови. Во вирот имаше ракчиња. Морски ракчиња.

ралица | ж.

Дел од рало, рачка на ралото, на плугот. Тој се фати за ралицата и ја направи првата бразда. Плужни ралици.

ралник | м.

Дел од плуг што ја сече хоризонтално земјата при орање и ја превртува. Ралникот ја сече почвата хоризонтално, а ножот вертикално. Ралникот се изработува од квалитетен челик. Овој модерен трактор има неколку ралници.

ралниче | ср.

Дел од машински сеалки, мали ралници што прават бразди каде што се сее семето. Редосеалките имаат обично и дисковидно ралниче.

ралничен | прид.

Што е како ралник, што се однесува на ралник. Ралнични и обични плугови. Ралничните плугови се најстари.

рало | ср.

Земјоделско орудие за орање, обично изработено од дрво. Дрвените рала сè уште се употребуваат во планинските предели. Тој ги зеде ралото и воловите и почна да ора.

рам | м.

рамазан | м.

Деветти месец од исламскиот календар, месец на строг пост кај муслиманите кога се јаде само ноќе во определени часови.