радиокоментатор | м.
Тој што коментира јавни настани и случувања преку радио.
радиолог | м.
Специјалист по радиологија.
радиологија | ж.
Наука за дејството на радиумот и на рендгенските зраци и нивната примена во медицината.
радиолокатор | м.
Апарат за откривање на различни објекти со помош на радиолокација.
радиолокација | ж.
Откривање на објекти со помош на високи радиобранови, преку радар.
радиометар | м.
Направа за мерење на механичкото дејство на топлината на светлосните зраци.
радиометеорологија | ж.
Гранка од метеорологијата којашто ги испитува својствата на атмосферата со помош на радиобранови.
радиомеханичар | м.
Електротехничар што врши поправка и инсталирање на радиоапарати.
радиооркестар | м.
Оркестар што изведува дела преку радио.
радиопредавател | м.
Систем од апарати за емитирање на радиобранови.
