секуларизација | ж.
Претворање на нешто црковно во световно. Секуларизација на училиштата.
секуларизира | св. и несв.
Претвори, претвора нешто црковно во световно (имот, дејност и сл.)
секунд | м.
секунда | ж.
Единица за мерење на времето, шеесетти дел од минута.
секундант | м.
Посредник и сведок на еден од учесниците во двобој.
секундарен | прид.
Што зазема второ место во некој ред, второстепен, спореден. Тие својства не се примарни, туку секундарни. Секундарно прашање.
секундарник | м.
Стрелка на часовникот што ги покажува секундите.
секунден | прид.
Што се однесува на секунда. Секундна стрелка. Секундна точност.
секундира | св. и несв.
Се јави, се јавува како сведок при двобој, како секундант.
секцира | св. и несв.
Распори, распорува, расчлени, расчленува труп на човек или животно при обдукција, аутопсија.
