синеаст | м.

Лице што се занимава со кинематографија, специјалист за филм.

синеастички | прид.

Што се однесува на филмската уметност или на филмската индустрија.

синевина | ж.

Јасна сина боја, боја на сино небо, сино море и сл. Небесна синевина. Морска синевина. Балонот полека се креваше кон синевината. Блеснува синевината над езерото.

синевица | ж.

синевина.

синегдоха | ж.

Појава во семантиката и стилска фигура во поетиката, во која целината е претставена со еден свој дел, потесен наместо поширок поим (огниште наместо дом.).

синее | несв.

Се покажува, се изделува со својата сина боја. Езерото синееше пред погледот на момчето. Меѓу гранките небото благо синееше. Далеку синееја планините.

синекура | ж.

Работно место што не бара многу труд, а е добро платено, приход што се добива без да се заслужи.

синекурен | прид.

Што се однесува на синекура. Синекурна должност.

синемаскоп | м.

Техничка постапка што овозможува на обична филмска лента да се сними многу поширок филмски простор.

синикав | прид.