ситнозрнест | прид.
Што има ситно зрно. Ситнозрнеста пченка.
ситноклас | прид.
Што има ситен клас. Ситнокласа пченица.
ситнолик | прид.
Што има ситно, мало лице. Ситнолика мома.
ситнолистен | прид.
Што има ситен лист. Ситнолистен тутун. Ситнолисна липа.
ситноод | прид.
Што оди ситно, со ситни чекори. Ситноода девојка.
ситноок | прид.
Што има ситни очи. Ситнооко момче.
ситноплоден | прид.
Што има ситен плод. Ситноплодни краставици. Ситноплодни пиперки.
ситнопоседник | м.
Сопственик на мал имот.
ситносопственик | м.
Сопственик на мал дуќан, имот, производствен објект и сл., лице што има мали материјални можности, ситен сопственик.
ситносопственички | прид.
Што се однесува на ситносопственик, на ситнопоседник, што ги изразува интересите, идеологијата на ситносопствениците. Ситносопственички однос кон работите. Ситносопственички погледи на работите. Ситносопственички групи. Ситносопственичка средина.
