Самоа | ж.
Островска држава и архипелаг на Тихиот Океан, дел од Полинезија.
самоанализа | ж.
Анализа на сопствената личност и сопствените постапки. Длабока самоанализа. Тој умееше да направи самоанализа и да се преиспита за секој свој потег.
самобендиса се | св.
Се бендиса самиот себеси.
самобендисан | прид.
Што претерано се бендисал самиот себе. Самобендисани уметници.
самобитен | прид.
Што е својствен, оригинален, што се одликува со самостоен развоен пат, што не се поведува по други. Самобитен развиток. Самобитна традиција. Самобитно народно творештво. Самобитни јазични обележја.
самобитност | ж.
Одлика на тој што е самобитен или на тоа што е самобитно. Национална самобитност. Творечка самобитност. Самобитност на македонскиот народ.
самовар | м.
Специјален метален сад за подготвување чај којшто во внатрешниот дел се загрева со јаглен или со електрична енергија. Врел самовар. Самоварот го наполнија со вода. Го вклучи самоварот.
самовила | ж.
Митолошко женско суштество, коешто според народното верување живее во шумите, во планините, покрај реките; вила 3. Горска самовила. Лична како самовила. Самовилите се чести ликови во епската поезија.
самовилски | прид.
Што се однесува како самовила. Самовилско оро. Самовилска убавина. Самовилски суштества.
самовласник | м.
Владетел со неограничена моќ; апсолутен владетел; самодржец.
