само 2 | сврз.
Исклучување, изземање, освен; обично едната реченица е негирана и се укажува на отсуство на предмет, лице или дејство по исклучок. Сите дојдоа, само тој не дојде. Сите деца си играа во градината, само тие седеа во училницата. Ништо не кажа, само се насмевна.
само 3 | чест.
Со именки и заменки, со значење единствено, исклучиво. Само мајстор може да го поправи тоа. Само тој може да ти помогне.
само- | претс.
Претставка/префикс за образување глаголи, именки и придавки.
Самоа | ж.
Островска држава и архипелаг на Тихиот Океан, дел од Полинезија.
самоанализа | ж.
Анализа на сопствената личност и сопствените постапки. Длабока самоанализа. Тој умееше да направи самоанализа и да се преиспита за секој свој потег.
самобендисан | прид.
Што претерано се бендисал самиот себе. Самобендисани уметници.
самобендиса се | св.
Се бендиса самиот себеси.
самобитен | прид.
Што е својствен, оригинален, што се одликува со самостоен развоен пат, што не се поведува по други. Самобитен развиток. Самобитна традиција. Самобитно народно творештво. Самобитни јазични обележја.
самобитност | ж.
Одлика на тој што е самобитен или на тоа што е самобитно. Национална самобитност. Творечка самобитност. Самобитност на македонскиот народ.
самовар | м.
Специјален метален сад за подготвување чај којшто во внатрешниот дел се загрева со јаглен или со електрична енергија. Врел самовар. Самоварот го наполнија со вода. Го вклучи самоварот.
