склад 2 | м.
Согласност, сообразност, хармонија меѓу две или повеќе нешта. Склад на бои. Во склад со неговото мислење. Не е во склад со досегашните наши настојувања за решавање на проблемот. Тоа е во полн склад со природата.
складен | прид.
Што е во согласнот, во хармонија со нешто друго; хармоничен. Складни бои. Складен распоред. Складна композициска структура. Складни движења.
складира | св. и несв.
Смести, сместува на определено место (склад, магацин и сл.). Таа ги складираше писмата по чекмеџињата во кои држеше лични документи. Фабриките за масла го складираат семето во силоси.
складиште | ср.
Царински складишта.
складиштен | прид.
Што се однесува на складиште. Складиштен простор.
склап | м.
Речен бран, место каде што бранот вода удира во брегот на реката и пак се враќа во коритото.
склапеј | м.
Воден бран.
склепа | св.
Изработи нешто површно, на брза рака и неквалитетно. Ја склепаа бараката за неколку дена. Склепа неколку грниња.
склероза | ж.
Стврднување на ткивото на некои органи со таложење на соли. Склероза на крвните садови.
склерозен | прид.
Што се однесува на склероза. Склерозни појави.
