смушне се | св.

Се провре, влезе или излезе крадешкум, незабележано. Се смушнал низ врата.

снаа | ж.

Жената на синот во однос на неговите родители, браќа и сестри и другите членови од семејството. Старата имаше две снаи. Брат ми и снаа ми не живеат тука.

снабден | прид.

Што е обезбеден со нешто нужно, неопходно. Добро снабдена продавница.

снабди | св.

Достави, обезбеди нешто нужно, неопходно. Стариот ги снабди со леб и млеко. Ја снабдија фабриката со суровини.

снабдител | м.

снабдувач | м.

Тој што врши снабдување. Снабдувачот навреме ја достави стоката.

снабдување | ср.

Глаголска именка од снабди.

снаби | несв.

снабник | м.

снага | ж.

Човечко тело. Витка снага. Цврста снага. Гола снага. Машка снага.