снимка | ж.

Слика од некого или на нешто направена со помош на фотографирање. Фотографска снимка. Рендгенска снимка.

снисходителен | прид.

снисходлив | прид.

Претерано благонаклонет, услужлив, неприродно љубезен, понизен, што се додворува. Снисходлива жена.

сноб | м.

Тој што се прави отмен, што сака да ги следи модата, манирите, животот на интелектуалната и културната елита на која не ѝ е дораснат, т.н. високи кругови. Градски снобови.

снобизам | м.

Однесување, манири на сноб. Снобизмот и расипништвото му го уништија животот.

снова (се) | несв.

сновалка | ж.

Дел од направа за сновење на преѓата за основа при ткаење. Вешто ја провираше сновалката во основата.

сновачка | ж.

Жена што приготвува основа за ткаење. Сновачката си ја заврши работата навреме.

снове | несв.

Приготвува основа за ткаење. Старицата сновеше на мотовило.

сновидение | ср.

Тоа што се видува на сон. Мрачни сновиденија.