содаџија | м.
Производител или продавач на сода-вода. Млад содаџија.
содере | св.
Оддели, симне целосно или дел од кожа; дере. Ја содрав кожата.
содејство | ср.
Помош, поддршка, поткрепа при некое друго дејство, акција, работа. Побара содејство од населението. Во содејство со полицијата.
содејствува | несв.
Укажува содејство, потпомага. Новите мерки содејствуваат на постоечките закони.
содомит | м.
Тој што се предава на содомија.
содомија | ж.
Полово општење со животни.
содржаен | прид.
Што има богата содржина, голема внатрешна смисла. Содржаен реферат. Содржајна програма.
содржател | м.
Број што се содржи во други броеви. Најмал заеднички содржател.
содржи | несв.
Собира, опфаќа како содржина. Пакетот содржеше десетина книги. Бурето содржи вино.
содржина | ж.
Тоа што се содржи, што се наоѓа во нешто, од што се состои нешто. Содржина на шишето. Содржина на куферот.
