сортирач | м.
Тој што сортира.
сортирка | и.
Машина за сортирање на нешто.
сортирница | ж.
Место, просторија каде што се сортира.
соружи | св.
Подготви. Што коња седлиш, соружиш?
сос | м.
(кул.) Вид каша, прелив за месо, тестенини и др. Доматен сос. Сос од зеленчук. Сос со печурки. Пикантни сосови.
соса се | несв.
Се спаси; се засолне, се прибере. Сите ќе се сосаат во едно сопче.
сосвати се | св.
Стане сват со некого; се ороди. Децата пораснаа заедно, се засакаа, па така соседите се сосватија. Родителите на девојката сакаа да се сосватат со попот.
сосе | предл.
Заедно со нешто; потсилено, нагласено значење на со. Лимоните ги јадеше сосе кора. Се продава куќа сосе мебел.
сосед | м.
Тој што живее до/близу некого, што се наоѓа во непосредна близина на некого. Близок сосед. Деца од соседот. Соседи на катот.
соседен | прид.
Што се наоѓа во непосредна близина на нешто, во соседство. Соседен двор. Соседна маса. Соседна улица. Соседни села.
