спаси | св.

Избави, ослободи некого од нешто (опасност, беда, несреќа и сл.), заштити некого од нешто непријатно. Лекарот му го спаси животот на пациентот. Спасувачката екипа ги спасила завеаните алпинисти. Селаните го спасија добитокот од огнот.

спасител | м.

Тој што спасува; избавител, избавник, избавувач; спасувач.

спасителен | прид.

Што дава спас, што служи за спас; спасоносен. Спасителен потег. Спасително решение. Спасителни потфати.

спаслив | прид.

Што може да се спаси.

Спасовден | м.

Христијански празник посветен на Христовото вознесување на небото, што се слави на четириесеттиот ден по Велигден; Вознесение.

спасоносен | прид.

Што носи спас, што спасува. Спасоносен лек. Спасоносно средство. Спасоносна надеж. Спасоносни совети.

спастира (се) | несв.

спастра | ж.

Ред во куќа. Голема спастра.

спастрен | прид.

Што е уреден, прибран, дотеран. Спастрена куќа. Спастрено дете.

спастри | св.

Доведе нешто во ред, во уредна состојба, собере нешто што е расфрлано, растурено на едно место, раскрене. Спастрив што имаше за спастрување. Домаќинке, спастри си ја куќата!