степен | м.
Висина, ниво. Низок степен на култура. Максимален степен. Степен на општествениот развој. Степен на употреба. Степен на казна.
степенува | несв.
Реди по степен.
степува | несв.
Игра степ, изведува чекори на степ.
стерео- | претс.
Како прв дел од сложенки со значење цврст, силен, просторен, тродимензионален и сл.: стереокамера, стереометрија, стереоскоп, стереоскопија, стереотип, стереотипен, стереотипија, стереоуред, стереофонија, стереозвук.
стереозвук | м.
Звук што се добива при снимање со два или повеќе микрофони, што се пренесува во систем од два независни преносни канали и се репродуцира со два или повеќе звучници.
стереокамера | ж.
Фотографски апарат со два објектива чии снимки служат за стереоскопско набљудување.
стереометрија | ж.
Дел од геометријата што ги проучува геометриските фигури во просторот.
стереоскоп | м.
Оптичка направа која спојува две рамни слики во една, снимени од различен агол, што создава впечаток на пластичност на реалниот предмет во просторот.
стереоскопија | ж.
Начин на прикажување на слики со три димензии.
стереотип | м.
Во печатарството ‒ метална плоча што претставува копија на печатарски слог за отпечатување на поголем број примероци.
