стопи | св.

Доведе во течна состојба (снег, мраз и сл.). Сонцето брзо го стопи снегот. Топлиот воздух го стопи мразот.

стопира | св. и несв.

Запре, запира, задржи, задржува, прекине, прекинува. Тие ги стопираа преговорите со раководството на фабриката. Ја стопиравме изградбата на тој градежен објект.

стопли | св.

Направи нешто да стане топло; загрее, затопли. Мајката го стопли млекото. Децата си ги стоплија рацете со триење. Сонцето ја стопли водата во коритото. Топлиот чај ме стопли.

стопроцентен | прид.

сторение | ср.

сторенија | ж.

Тоа што се случило; настан, случување. Во сите тие сторенија имаше и по нешто добро.

стори | св.

Направи, сработи. Така тие сториле. Нема да го сторам тоа, за ништо на светот. Тој не стори ништо. Што сторивме во годините што поминаа? Таа жена ми сторила голема добрина.

сторија | ж.

Приказна за некој настан, случка. Сторија за загинувањето на војводата. Тоа е неговата животна сторија.

сторител | м.

Тој што извршил некакво дело, обично нешто негативно поврзано со криминал. Сторител на кривично дело. Сторителите ќе бидат казнети според законот.

сторнира | св. и несв.

Во книговодството ‒ укине, укинува веќе книжена ставка, пренесе на друга сметка; поништи некоја постапка. Ја сторнира купопродажбата на објектот.