студентарија | ж.

Студентска популација, студенти. Се собрала студентарија пред студентската менза.

студентски | прид.

Што се однесува на студент или што припаѓа на студент. Студентски стандард. Студентски живот. Студентски дом.

студентство | ср.

Сите студенти на еден универзитет, студентска младина. На последните настани, студентството реагираше со протести. Напредно студентство.

студенчиште | ср.

Студена почва.

студешница | ж.

студи | несв.

Е студено, ладно. Овие денови многу студи.

студија | ж.

Поголем научен или стручен труд, расправа што исцрпно обработува одредена тема, изнесува резултати од истражување, проучување на некое прашање. Студија за глаголските времиња. Опширна студија од областа на кибернетиката.

студио | ср.

Работна просторија на уметник или фотограф; ателје.

студиозен | прид.

Што е длабоко проучен, високо стручен, совесно напишан. Студиозен пристап. Студиозно проучување. Студиозни коментари.

студира | св. и несв.

Проучи, проучува нешто грижливо и продлабочено. Инспекторот долго ги студираше документите. Тој долго го студираше писмото. Ја студира ренесансната љубовна поезија.