суперлатив | м.
Степен во споредувањето кај придавките за означување особина или својство изразени во најголема мера во однос на тоа со кое се споредува.
суперлативен | прид.
Што се засновува на суперлатив, што содржи суперлатив. Суперлативен исказ. Суперлативно значење.
суперлуксузен | прид.
Премногу луксузен. Суперлуксузен апартман. Суперлуксузни хотели.
супермаркет | м.
Голем маркет со богат избор на прехранбени и друг вид производи.
супермен | м.
Човек што со својата исклучителна храброст и други добри особини ги надминува обичните луѓе.
супермодерен | прид.
Што одговара на најнова мода, најмодерен. Супермодерен стил.
супероксид | м.
Степен на оксидација на еден метал што содржи повеќе кислород одошто базата, а помалку одошто киселината на тој метал.
суперпродукција | ж.
Преголема продукција. Суперпродукција на книги.
суперревизија | ж.
Повторна ревизија од членови со повисока надлежност.
суперсила | ж.
Држава што се вбројува меѓу најсилните, највлијателните во светот; велесила.
