сантиметар | м.
Стоти дел од метарот. Петнаесет сантиметри. Неколку сантиметри.
Сантијаго | м.
Главен град на Чиле.
Санто Доминго | м.
Главен град на Доминиканска Република.
сантрач | м.
Вид ограда околу бунар, гроб и сл. Се потпре на сантрачот околу бунарот.
санџак | м.
Административна единица во времето на турското владеење; округ. Битолскиот санџак.
Санџак | м.
Област во Србија.
санџактар | м.
Знаменосец; бајрактар.
Сао Паоло | ср.
Град во Бразил.
сап | м.
Дршка, рачка на секира, лопата и сл.
сапи | и.
Задниот дел над нозете кај некои четириножни животни. Мускулести сапи. Сапи на коњ.
