тостер | м.
Електрична направа со две плочи што се ставаат една врз друга, обично за правење тост.
тотал | ж.
Севкупност, целосност; тоталност, тоталитет.
тотален | прид.
Што вклучува сè, што опфаќа сè, целосен, сеопфатен. Тотален бојкот. Тотална социјализација. Тотално помрачување.
тотализатор | м.
Механички бројач на трки и натпревари.
тотализација | ж.
Сумирање, собирање.
тотализира | св. и несв.
Сумира, собере, собира.
тоталитарен | прид.
Што се засновува врз тоталитаризам, што ги прифаќа методите на тоталитаризмот, што ги ограничува демократските права и слободи на личноста, што е диктаторски. Тоталитарен режим. Тоталитарна држава. Тоталитарни идеи.
тоталитаризам | м.
Систем на владеење во кој државната власт во рацете на една партија ги контролира сите појави на јавниот и културниот живот, на стопанските и на политичките активности и, со воведување диктатура, спречува секаква приватна иницијатива и ја ограничува слободата на личноста и на јавниот збор.
тоталитарист | м.
Приврзаник на тоталитаризмот.
тоталитет | м.
Целосност, севкупност. Човечки тоталитет. Тоталитет на поетското искуство. Тоталитет на едно историско време.
