траур | м.
Црнина што се носи како обележје, знак на жалост. Старици во траур.
траурен | прид.
Што се однесува на траур. Траурен симбол. Траурна облека. Траурни шапки.
трафика | ж.
Мала продавница во која се продаваат весници, цигари и друга ситна трговска стока; бутка, киоск.
трафикант | м.
Тој што работи во трафика.
трафостаница | ж.
Утврдено место каде што е сместен трансформатор, обично на електрична струја од висок напон.
трахеален | прид.
Што се однесува на трахеја. Трахеален шум.
трахеја | ж.
Душник кај човекот и кај 'рбетниците што дишат на бели дробови.
трахома | ж.
Заразна болест на очите, воспаление на внатрешниот дел на очните капаци.
трач | м.
Озборување, клеветење, дрдорење. Тоа е само трач. Женски трачови.
трбув | м.
