третјак | м.
треф | м.
Карта за играње со знак црна трилисна детелина. Дама треф.
трешница | ж.
Шлаканица. Скрцна со забите и му влепи трешница.
трештен | прид.
Замаен, занесен, замелушен, зашеметен. Застана како трештен. Трештен и побудален одеше по улиците и пееше.
трешти | несв.
Ечи, силно одекнува, прави голема врева. Кај соседите трешти музика. Трештеа ридовите од камбаните. По запрежните коли трештеа весели детски гласови.
треќ | бр.
Трет, трети
треќак | м.
Тригодишно животно. Елен треќак.
тржествен | прид.
Свечен, што е со особено достоинство, величествен, возвишен. Тржествен тон. Тржествена тишина. Тржествено крунисување. Тржествени моменти.
тржество | ср.
Свеченост, прослава. Црковно тржество. Со невидени тржества го пречекуваа првиот егзархиски владика.
тржествува | несв.
Прославува. Тржествуваа за лавроносецот.
