триесет- | претс.
Како прв дел од сложени придавки и именки кој покажува дека од тоа што го означува основата во другиот дел на сложенката има триесет: триесетгодишен, триесетгодишник, триесетгодишнина, триесетдневен.
триесетгодишен | прид.
Што е на возраст од триесет години. Триесетгодишна ќерка.
триесетгодишник | м.
Тој што е триесетгодишен, што е на возраст од триесет години.
триесетгодишнина | ж.
Временски период од триесет години. Триесетгодишнина од бракот. Триесетгодишнина од вработувањето.
триесетдневен | прид.
Што трае триесет дена. Триесетдневен одмор.
триесетина | бр.
Околу триесет. Триесетина студенти. Триестина години се немавме видено.
триесетка | ж.
Тоа што е означено со бројот 30 (зграда, автобус и др.).
триесетмина | бр.
Триесет луѓе. Триесетмина ја напуштија салата.
триесетти | бр.
Бројна придавка од триесет.
триесеттинка | ж.
Триесетти дел од нешто. На тој внук му припадна триесеттинка од целиот имот.
