тримесечник | м.
За весник, списание и сл. – што излегува еднаш на три месеци.
тримесечје | ср.
Период од три месеци, четвртина од годината; квартал. Второ тримесечје. Во последното тримесечје од годината економската состојба се подобри.
триместар | м.
Период од три месеци; тримесечје.
триместрален | прид.
Што се однесува на триместар; триместарски.
триметар | м.
Во поезијата – стих од три стапки.
тримина | бр.
тримир | м.
Тридневен строг пост по велигденските поклади, првите три дена од велигденските пости.
тримири | несв.
Држи тримир. По покладите сите од семејството тримиреа.
тримоторен | прид.
Што има три мотори. Тримоторен авион.
тринаесет | бр.
Број за три поголем од десет; се бележи со бројката 13. Тринаесет години. Тринаесет спортисти.
