триод | м.

Богослужбена книга што се чита во текот на велигденските пости и на велигденските празници.

триода | ж.

Вид електронска цевка со три електроди сместени во метален или стаклен балон со вакуум.

триоден | прид.

Што се однесува на триод. Триоден текст. Триодни ракописи.

триола | ж.

Ритмички знак, украс од три еднакви ноти што траат колку за две од нив.

трипартитен | прид.

Што е од три партии, три лица што образуваат една страна во спор, договор и сл. Трипартитен договор. Трипартитна поделеност.

трипати | прил.

Двапати и уште еднаш, тројно. Трипати во годината одеше в село. Трипати го прашав исто. Тој е трипати потежок од син му. Јаболкниците имаа трипати поголем род од лани.

трипер | м.

Венерична болест; гонореја.

трипеснец | м.

трипликат | м.

Копија, трет примерок што е ист со оригиналот по содржината, формата и сл. Трипликат од документот.

Триполи | ср.

Главен град на Либија.