трипроцентен | прид.
Што е со примеси од три проценти. Трипроцентен алкохол.
триптих | м.
За слика, икона – триделна слика кај која двата странични дела можат да се преклопат со третиот средишен дел.
триреден | прид.
Што е од три реда, што е поставен во три реда. Триредни запци.
трирог | прид.
Што има три рога. Трирога жаба. Трирога шапка.
трисагија | ж.
Молитва кон Света Троица.
трисегментен | прид.
Што се состои од три сегменти, триделен. Трисегментен раствор. Трисегментна песна.
трисед | м.
Возило или летало со три седишта.
трисилабичен | прид.
трискок | м.
Атлетска дисциплина на скок во далечина што се изведува со три последователни скока, отскок, чекор и скок.
трискокач | м.
Натпреварувач во трискок.
