триста- | претс.
Како прв дел од сложени придавки и именки кој покажува дека од тоа што го означува основата во вториот дел на сложенката има триста: тристагодишен, тристагодишнина.
тристагодишен | прид.
Што има триста години, што трае триста години. Тристагодишен даб. Тристагодишен јубилеј.
тристагодишнина | ж.
Период од триста години. Тристагодишнина од раѓањето.
тристамина | бр.
Триста луѓе, триста лица.
тристапати | прил.
Многу пати, често.
тристапен | прид.
Во поезијата – што е составен од три стапки. Тристапен јамб. Четири стиха со тристапни осмерци.
тристепен | прид.
Што е од три степени. Тристепено образование.
тристих | м.
Поетска творба од три стиха.
тристран | прид.
Што има три страни. Тристрана пирамида.
тритикале | ср.
Хибрид од пченица и 'рж со високи протеински вредности; се користи како фуражна култура и за диететска исхрана; Triticosecale.
