тристепен | прид.
Што е од три степени. Тристепено образование.
тристих | м.
Поетска творба од три стиха.
тристран | прид.
Што има три страни. Тристрана пирамида.
тритикале | ср.
Хибрид од пченица и 'рж со високи протеински вредности; се користи како фуражна култура и за диететска исхрана; Triticosecale.
тритолку | прил.
Трипати по толку. Додај уште тритолку.
тритомен | прид.
Што е составен од три тома, што содржи три тома. Тритомен речник. Тритомна антологија на македонската поезија. Тритомно издание.
тритомник | м.
Научно, литературно и друго дело отпечатено во три тома.
тритон | м.
(мит.) Грќки бог на морето, пола човек, пола риба.
триумвир | м.
Член на триумвират.
триумвират | м.
(истор.) Во стариот Рим – политички сојуз меѓу три лица.
