теле | ср.
Младо од крава.
теле- | претс.
Како прв дел од сложенки со значење што се одвива од далечина, што се пренесува од далечина: телефон, телеграф, телескоп.
телевизиски | прид.
Што се однесува на телевизија, што е наменет за телевизија. Телевизиски приемник. Телевизиска антена.
телевизија | ж.
(обично во едн.) Предавање и примање, истовремен пренос на подвижни слики и звуци од далечина преку електрични сигнали. Гледаме филм на телевизија.
телевизор | м.
Апарат за примање на телевизиски сигнали и емитување слики и звук, телевизиски приемник. Телевизор во боја. Цел ден е пред телевизор.
телеграма | ж.
Соопштение предадено преку телеграф; депеша.
телеграф | м.
Систем од апарати за брзо предавање и примање на соопштенија од далечина.
телеграфира | св. и несв.
Испрати, испраќа телеграма.
телеграфист | м.
Тој што работи на телеграф.
телеграфија | ж.
Техника на брзо јавување на големи растојанија.
