термоцентрала | ж.
Централа во која се произведува електрична енергија со помош на парни машини; електрична централа со погон врз база на топлотна енергија.
терор | м.
Систем на политичко угнетување со примена на насилство, прогонување, застрашување сè до физичко истребување. Фашистички терор.
тероризам | м.
Политика или метод на борба за постигнување политички цели со употреба на терор, вршење терор, тиранија.
тероризира | несв.
Врши терор, владее со застрашување и насилство.
терорист | м.
Тој што врши терор, што користи насилство за да ги постигне целите; приврзаник на тероризмот.
терористички | прид.
Што се однесува на тероризам и на терор. Терористичка организација. Терористички напад.
терпентин | м.
Течна смола од некои иглолисни дрвја.
терсана | ж.
Оружарница;
терсене | прид.
прид. За човек – што има тежок карактер, што е тежок за соработка. Тој е терсене човек.
тертип | м.
Начин, образец; ред, распоред. Таа работи по свој тертип. Му го знам јас тертипот.
