тетанус | м.
Акутна заразна болест што се развива при инфекција на рани и се манифестира со раздразливост на моторните центри и со грч на мускулите.
тетерав | прид.
Што е несигурен, нестабилен при одењето. Тетерав чекор.
тетерави се | несв.
Оди несигурно, тешко одржува рамнотежа. Сега веќе одвај чекори, се тетерави. Тие се тетеравеа по лигавите камења на реката.
тетива | ж.
Оптегната жица на лак. Го стегна лакот, ја оптегна тетивата и ја пушти стрелата.
тетин | м.
Маж на тетката.
тетин | прид.
Што припаѓа на тетка, тета.
тетинов | прид.
Што припаѓа на тетин.
тетка | ж.
Сестра на таткото или сестра на мајката. Тетка му живее во другиот дел од градот.
теткин | прид.
Што се однесува на тетка; што припаѓа на тетка.
тетоважа | ж.
Знаци, слики и сл. нацртани на човечко тело со помош на лесни убоди со игла натопена во боја.
