тетовец | м.
Вид грав.
тетовира | св. и несв.
Направи, прави тетоважа.
тетовиран | прид.
Што е покриен со тетоважа. Тетовирани раце.
тетовка | ж.
Вид јаболко.
Тетово | ср.
Град во Македонија.
тетраедар | м.
Геометриско тело ограничено со четири рамнострани триаголници; четиристрана пирамида.
тетралогија | ж.
Четири литературни, музички, филмски или други дела поврзани во една целина.
тетрапак | м.
Картонска амбалажа што служи за пакување на течности (млеко, сок и сл.). Млеко во тетрапак.
тетратка | ж.
Подврзани во корици чисти листови за пишување и бележење. Празен лист од тетратка. Тетратка по краснопис. Школски тетратки.
тетреб | м.
Шумска птица од родот на кокошките; Tetrao.
