титан 2 | м.
Хемиски елемент, сребреносив метал што се употребува во челичната индустрија; симбол Ti.
титанит | м.
Вид минерал.
титиз | м.
Скржавец. Тој е голем титиз, ништо не троши.
титка | ж.
Звучен сигнал на мобилен телефон кој намерно се прекинува од повикувачот како определен договорен знак со повикуваното лице.
титка | несв.
За мобилен телефон, компјутер и сл. ‒ испушта карактеристичен звук.
титла | ж.
Во старата писменост ‒ знак над местото на испуштена буква при скратено напишан збор или над буква кога таа означува број.
титлува | несв.
Става титла, означува со титла; титла 2. Преведува текст на филм со текст што се чита на екранот. Филмовите редовно ги титлуваат на македонски јазик.
Титов Врв | м.
Планински врв во Македонија.
титовка | ж.
Вид капа со црвена петокрака ѕвезда; партизанска капа, пионерска капа.
титула | ж.
Почесно звање со определен општествен статус. Баронска титула. Грофовска титула. Словенска титула кнез. Благороднички титули.
