улогори | св.
Смести во логор. Ги улогоривме борците.
уложје | ср.
Постелка по раѓањето на дете или на животно; 3, плацента. Падна и уложјето од неа.
ултимативен | прид.
Што е својствен за ултиматум, што содржи ултиматум. Ултимативно писмо. Ултимативен предлог.
ултиматум | м.
Во меѓународните односи ‒ барање проследено со закана во случај на неисполнување.
ултра- | претс.
Како прв дел од сложени зборови со значење дека тоа што е искажано во вториот дел се јавува во исклучително голема, во крајна или претерана мера или е над тоа, надвор од тоа што е означено со вториот дел: ултрареакционери, ултранационалист, ултразвук, ултрамодернист, ултравиолетов и др.
ултравиолетен | прид.
Во изразот ултравиолетови зраци со значење невидливи електромагнетни бранови со должина помала од брановата должина на светлосните зраци
ултрависок | прид.
Што е премногу, претерано висок. Ултрависоки фреквенции.
ултрадесница | ж.
Крајна десница, политичка партија со крајно реакционерно дејствување.
ултрадесничар | м.
Тој што ја поддржува ултрадесницата, член на ултрадесничарска партија.
ултразвук | м.
(физ.) Механички треперења на цврстите, течните и гасовитите тела кои со човечко уво не се слушаат. Лилјаците се движат со помош на ултразвук.
