универзијада | ж.
Меѓународен спортски натпревар на студенти.
универзитет | м.
а) Највисока наставна и научна установа во чијшто состав има повеќе факултети и институти. б) Зградата каде што е сместена ваква установа.
универзум | м.
Единствена и сеопфатна целост на сè што вистински постои во стварноста; вселена, свет.
унија | ж.
Сојуз, заедница на држави, нации. Европска унија. Панамериканска унија.
унијат | м.
Православен христијанин што ја признава власта на папата;
унијатство | ср.
Унијатска црква, верска припадност на унијатите.
уникат | м.
Единствен примерок на нешто, оригинал. Вазата беше блиску до уникатот.
уникатен | прид.
Што се однесува на уникат, што е единствен во својот вид. Уникатен накит. Уникатна јапонска ваза. Уникатен примерок.
уникум | м.
Уникат, редок примерок, единствен во својот вид.
унилатерален | прид.
Што се однесува, што припаѓа, што вклучува, што обврзува само една страна, едностран.
