унионизам | м.
Стремеж за политичко единство, за унија, за обединување.
унионист | м.
Следбеник на унионизмот.
унионистички | прид.
Што се однесува, што припаѓа на унионизам и на унионист.
унисекс | м.
Начин на облекување според која и мажите и жените носат иста облека.
унисон | м.
Созвучје на два или на повеќе тонови (гласови) со иста висина, едногласност.
унитарен | прид.
Што има единствено централно уредување и управување. Државите може да бидат унитарни или федеративни.
унитаризам | м.
Политички правец којшто се застапува за апсолутно единство на државата наспроти федерализмот.
унитарист | м.
Следбеник на унитаризмот.
унитаристички | прид.
Што се однесува на унитаризам и на унитарист.
унификација | ж.
Подведување под ист модел, систем, тип; уедначување, изедначување. Унификација на јазикот. Унификација на дефинирањето. Унификација на структурата на зависните земји со структурата на големите сили. Културна унификација.
