урок 1 | м.
Облик на црна магија при што се верува дека со поглед може некому да му се нанесе зло. Бае од уроци. Да не му е од урок. Лесно го фаќаат уроци.
урок 2 | м.
Училишна задача, лекција. Ги подготви уроците за следниот ден. Учителот им зададе нови уроци.
уроклив | прид.
За очи, поглед ‒ што има магиска моќ да урочи. Урокливи очи.
уролог | м.
Лекар, специјалист по урологија.
урологија | ж.
Гранка на медицината, наука за болестите и лекувањето на мочните органи.
урочен | прид.
Глаголска придавка од урочи.
урочи | св.
Фрли урок на некого. Жената го урочи детето.
урочлив | прид.
Уругвај | м.
Држава во Јужна Америка.
уруглица | ж.
Крстат бајрак, свадбено обредно знаме.
